Na mañana d'esti 13 d'avientu,
l'Alcaldesa de Carreño robló con los presidentes de les dos árees
empresariales (Asociaciones de Propietarios y Empresarios del
Poligonu de Falmuria y del Polígonu de Tabaza) alcuerdos de
collaboración públicu - privada en materia de llimpieza y
caltenimientu. Na firma del mesmu tuvieron presentes el conceyal
d'urbanismu y la Técnica municipal qu'exerz los llabores de
Secretaría del Conseyu d'Árees Empresariales.
L'oxetu de los mesmos ye anovar el
compromisu de llimpieza de dambos polígonos, que yá s'empecipió
nel añu 2008 nel casu de Falmuria y nel añu 2014 en Tabaza, con un
financiamientu conxuntu del Consistoriu y les Asociaciones.
El Conceyu asume'l 50% del costu de
llimpieza nel casu del polígonu de Famuria y casi el 70% del de
Tabaza, atendiendo a la estensión d'esti postreru y a la mayor
proporción d'espacios públicos esistentes nésti.
Los convenios roblénse nel marcu del
funcionamientu del Conseyu d'Árees Empresariales, en cuanto órganu
de participación de les distintes Asociaciones de Propietarios y
Empresarios de los polígonos esistentes nel conceyu de Carreño.
Albandi
