Na tarde d'esti 5 d'avientu, el gobiernu local presentó la propuesta presupuestos participativos pal exerciciu 2018. Nel anterior exerciciu presupuestariu participativu algamóse un 12,16 % de participación nel procesu. Al Conseyu asistieron 15 entidaes de les 21 convocaes.

El 35% del capítulu d'inversiones del próximu presupuestu municipal va sometese a consulta ciudadana. Esto supon una medría del 5 % en relación al añu anterior, y van ser alredor de 268 mil euros del presupuestu lo que va decidir el vecinderu.

Van tenese en cuenta les 25 propuestes correspondientes a los proyectos más votaos. Va Poder votar la mocedá que cumpla los 16 años mientres el 2017/2018.

- Fase de propuestes: va abrise la plataforma'l 11 d'Avientu coincidiendo cola primer sesión presencial y ciérrase la plataforma na fase de propuestes el día 29 d'Avientu.

- Valoración técnica: la primer selmana de Xineru (4 díes llaborables) y van publicase na web municipal toles propuestes cola so correspondiente esplicación (especialmente naquelles propuestes que nun pasen, poles razones que fuere, a la siguiente fase de proyectos).

- Los díes, 8,9 y 10 de Xineru publicariránse les propuestes más votaes.

va cerrase la plataforma'l 31 de Xineru de 2018.

Les primeres sesiones presenciales pa la fase de propuestes van ser el Llunes, 11 d'Avientu a les 17 h. nel CIR Monte Areo pa les parroquies d'Ambás, Quimarán y El Valle  y a les 19:30h. na parroquia d'Albandi pa recoyer les propuestes de Albandi, y los barrios de Poal y Xivares.  Asina sucesivamente por toles parroquies hasta rematar el sábadu, día 16 a les once hores en Candás.