Allumáu
con motivos navidiegos, flores de Pascua nes faroles con soportes, un
árbol fechu pol personal del serviciu d'obres que se va arrodiar de
rede y va decorase con motivos marineros fechos nos talleres
infantiles, y guirlandes feches por voluntaries van llucir nes cais
de Candás estes Navidaes. Tou en marcha para l'encendíu que va
tener llugar el próximu Miércoles. El Faroleru va llegar dende la
Igüera para encender La Farola, l'antiguu faru local que va emponer
al Anguleru de San Juan de la Arena y otros maestros llendadores,
como'l Ruleru d'Avilés y el Ocleru de Villaviciosa para venir de la
mar a recoyer les cartes de suaños y deseos de la población
infantil asturiana.
Felisa
Artime, encargada de llimpieza d'edificios municipales, xuntu col
conceyal d'obres, Simi Velasco coordinen un grupu de voluntaries del
conceyu que de forma altruista ellaboren guirlandes decoratives para
los edificios municipales. Les primeres tán asitiándose güei na
plaza de la Baragaña nel balcón del local de l'antigua SOFECA. Tres
les hortensies recoyíes n'El Valle, piñes del Areo y otres recoyíes
en Carrió van siguir faciendo más guirlandes para allugar na Casa
Consitorial, antiguu Ayuntamientu y otros edificios municipales.
Albandi
