El 14 de enero de 2018 va tener llugar
na antigua residencia de Perlora, a partir de les 10,45 hores, el
XXXIV Troféu Club Náutico de Carreño y Campeonatu d'Asturies de
Cross por Clubes. Distintes categoríes d'edaes van participar n'esti
importante eventu atléticu tando la prueba tambén abierta a la
participación popular pa atletes non federaos.
Les pruebes van desenvolvese en dos
circuitos de 1000 y 1600 metros nel marco incomparable de la antigua
ciudad de vacaciones perlorina so'l entamu del Club Náutico de
Carreño cola collaboración y patrocinios d'Ayuntamientu y PDM de
Carreño, Principáu d'Asturies, Federación d'Atletismu. Teatru
Prendes, Club Victoria de Perlora, Cruz Roja de Carreño, Liberbank y
CocaCola.