 |
| Isaac Pola (Cons. de Turismo), Pedro Delgado, Amelia Fernández y Julio G. Zapico (Dir. Gen. Turismo) |
“Ayeri, sábadu, tuvo llugar nel
Auditoriu Felipe VI de Estepona, Málaga, la presentación oficial na
que, convidaos pola organización, asistimos cola alministración
autonómica asturiana los Conceyos qu'acoyemos una salida o meta
nel percorríu de la próxima vuelta. Actu nel que
participamos puramente representantes institucionales y
patrocinadores” - afirmó l'Alcaldesa de Carreño.
“La xornada foi tamién llugar
d'alcuentru onde se perfilaron los eventos que se van a desenvolver
nos próximos meses en relación a la visita de la vuelta España a
Asturies y concretamente a la villa capital del conceyu de Carreño”
añedió Fernández.
“Trátase d'una escelente
oportunidá de dar a conocer, cola collaboración de la Dirección
Xeneral de Turismu del Gobiernu del Principáu, el conceyu de
Carreño y les excelencies de la so villa marinera. Ye un
estraordinariu espardimientu qu'entepasa los calces habituales d'una
promoción turística al usu. Les conceyalíes de Turismu y
Deportes, xuntu col Patronatu Deportivu Municipal, van peracabar tola
loxística d'acoyida en Carreño” - esplicó Amelia Fernández.
“Nestos actos de presentación
celebraos en Estepona caltuviéronse alcuentros colos responsables de
la vuelta nos que, al marxe de los aspeutos deportivos, cobraron
especial importancia la loxística de preparación y acoyida
d'un eventu deportivu nacional qu'abasna una caravana de trés mil
persones, ente deportistes, auxiliares, patrocinadores y publicidá
etc col consiguiente impactu económicu nes localidaes poles
qu'escurre” - avanzó la rexidora.
“La tradición ciclista del
conceyu tien, nesta ocasión, una magnífica oportunidá de recordar
la so hestoria y de promocionar xuntu cola Escuela de ciclismu de
Carreño, una modalidá que tien numberosos siguidores“ -
concluyó l'Alcaldesa.
Albandi
