L'ámbitu de l'actuación contratada ta na baxada a Xivares camín
muncipal C73 y tien una superficie de 114 m2.
“El camín anguaño tien un problema d'arramáu d'agües
pluviales, yá que se venía realizando nuna finca particular
l'arramáu d'un cañu que recueye les agües de la carretera AS239a
provocando l'hinchente de la mesma. Dende la Conceyalía de Mediu
Rural atendimos al requerimientu de la familia propietaria, dando
solución técnica al mesmu al traviés d'un estudiu previu de los
defectos a traviés de la Oficina Técnica Municipal,
concretando un proyectu d'arreglu” – señaló'l conceyal
de Mediu Rural, Manuel Noceda.
“Les obres a realizar consisten na recoyida y canalización
de l'agua al traviés d'un tubu de formigón hasta un cañu esistente
asitiáu na redoma. Les actuaciones previstes execútense dientro de
la influencia de Carreteres del Principáu (entronque cola carretera
AS-239ª), polo que se tuvo que percanciar permisu pal entronque de
la nueva instalación cola yá esistente” – prosiguió'l
conceyal.
“Anguaño les agües arramen nuna finca per mediu d'un cañu
con aletes; el proyectu consiste en recoyer les agües antes de la so
salida pol cañu y conduciles hasta l'arqueta esistente. Esto
executaráse pela zona esquierda del camín en dirección Xivares.
van realizase trabayos d'apertura de buecu na arqueta y remate
posterior; cegáu de cañu, retirada d'aletes y remate de finca,
según apertura de cabiana en cuneta o camín, formigonáu,
allugamientu de tubu, y terminación con tierra, formigón o asfaltu
según sía'l so estáu actual” – añedió'l conceyal.
“Tres el correspondiente procesu de llicitación les obres
axudicáronse a la empresa Bienes y Obres del Principáu (BOPRISA),
por importe 2.506 € IVA incluyíu. El plazu d'execución prevista
pa les obres ye de 2 meses, a partir de la firma de l'acta de
comprobación de replantego” – concluyó'l conceyal.