L'asociación vecinal de L’Ablanal del barriu candasín d'El Regueral, que preside Enrique García, treslladó la necesidá d'actuar nesti vial. 

“Dende la Conceyalía de Mediu Rural tamos realizando los trabayos de reapertura del camín públicu conocíu popularmente como camín de Morán (inventariáu como C885) que xune'l camín de la Teyera en Candás a El Pieloro cola AS 100. Esti camín que taba cerráu dende va años va dar salida directa al vecinderu de la Teyera a la carretera AS110” - esplicó Manuel Noceda, edil de Mediu Rural.

“La realización d'estos trabayos tá efectuándose con medios propios, maquinaria y personal de la plantiya del Conceyu. Hasta agora, ta realizándose l'apertura de los 300 m de camín por aciu la máquina retroexcavadora; una vegada acabada l'apertura y comprobáu l'estáu de la caxa, el firme y les turries va procedese al remate más fayadizu según el tráficu y usu” - prosiguió'l conceyal.