Circunstancies nes que sería facederu que Carreño asumiera la presidencia de la Mancomunidá Cabo Peñes

L'Alcaldesa de Carreño, Amelia Fernández, unvió esti llunes 8 de xineru mañana una carta al Presidente de la Mancomunidá Cabo Peñes na que se detallen les circunstancies nes que sería facederu que Carreño asumiera la presidencia del ente supramunicipal.


Una vegada más l'Alcaldesa de Carreño abre la puerta a la busca de soluciones que dexen avanzar ensin menospreciar los intereses del conceyu. Estes soluciones pasen por confirmar el compromisu d'abonu de la delda, esclariar cuestiones relatives a los servicios que se vienen emprestando y garantizar el pagu a provisores”, esplicó Gabriel Rodríguez, voceru del gobiernu local de Carreño.


Tamos convencíos de que vamos poner toos de la nuesa parte y que va haber salida a la situación que la Mancomunidá vive anguaño”, añedió Rodríguez.


L'escritu unviáu inclúi básicamente los siguientes puntos:


-Alcuerdu plenariu del Conceyu de Gozón qu'el que se dexe ensin efectu l'alcuerdu de separación unillateral de la Mancomunidá de 25/4/2013.

-Alcuerdu plenariu del Conceyu de Gozón nel que se reconoza la delda d'esi conceyu cola Mancomunidá, 157.142 euros.

-Alcuerdu del Conceyu de Gozón nel que s'apruebe'l proyectu d'estatutos en trámite, al envís d'establecer de forma limititativa la prestación de servicios del ente.

-Aprobación de propuesta de conveniu coles empreses qu'empresten servicios na piscina acomuñada de Antromero, que sía almitíu poles mesmes y pagu de les cantidaes debíes a los trabayadores de la Mancomunidá.