La Comisión d'Urbanismu del Conceyu de
Carreño va analizar na so sesión del próximu llunes, los
efectos del derrumbe producíu nel edificiu de la cai Jose González
Muniello. A lo llargo de los últimos díes, dende l'Alcaldía
caltúvose contactu colos voceros de los grupos municipales pa
treslladar la información disponible sobro l'incidente.
“Dende urbanismu vamos ampliar en
detalle a los grupos municipales la información facilitada a lo
llargo d'estos díes sobro'l derrumbe, les midíes puestes en marcha
pa garantizar la habitabilidad de les viviendes y l'actuación de los
servicios sociales municipales”, anunció Gabriel Rodríguez,
voceru del gobiernu local y responsable de la área d'urbanismu.
Énte les crítiques recibíes dende'l
grupu municipal d'IX, el voceru socialista esplicó que “desque
conocimos los fechos asocedíos, l'equipu de gobiernu dio respuesta
inmediata a les necesidaes de les families afectaes y facilitao la
información riquida polos voceros municipales y el vecinderu en tou
momentu”.
“Si dende IX pretenden utilizar la
situación qu'un derrumbe provocó a seis families como arma pa faer
política, ta claro'l nivel de responsabilidá que tienen colos
problemes del conceyu. Amás d'irresponsabilidá incurren n'un
alarmismo infundáu que nada tien que ver cola realidá que viven les
persones afectaes”, concluyó Gabriel Rodríguez.
Albandi
