El Plan Local d'Empléu, subvencionáu
pol Serviciu Públicu d'Empléu del Principáu, va dar na firma de
los contratos, d'un añu de duración. El Conceyu de Carreño va
escoyer mientres el primer trimestre de 2018 a un total de 12
persones en situación de desempléu pa la realización de distintes
obres y servicios a la comunidá. Los contratos, de 1 añu de
duración, encuádrense nel Plan d'Empléu nel marcu de los
itinerarios integraos d'activación nel ámbitu local”.
Los puestos que van ser cubiertos al
traviés d'esti plan d'empléu temporal son los siguientes: 1
Oficial Albañil, 1 Oficial Carpinteru/a, 1 Oficial Xardineru/a, 1
Oficial Carpinteru/a – Pintor/a, 2 Oficiales Pintores, y 6
operarios/es pa sofitu a los oficios. Esti personal temporal
contratáu pol consistoriu va executar una serie d'obres y servicios
d'interés xeneral y social, que formen el Plan global d'actuación
del Plan d'Empléu 2017-2018”.
“La selección d'estos 12 puestos
de trabayu constitúi una importante meyora con respectu al Plan
anterior, nel que namá fueron ufiertaos 6 puestos de trabayu”
– afirmó Amelia Fernández, Alcaldesa de Carreño.
Pa poder participar nel procesu de
selección, les persones que quieran optar tendrán de cumplir los
siguientes requisitos:
-Pertenecer, a fecha 4 d'ochobre de
2017, a dalgún de los siguientes colectivos: paráu/a de llarga
duración (esto ye, nun trabayar más de 93 díes nos 12 meses darréu
anteriores), o bien persona en situación d'esclusión social.
-Nun ser contratáu pol Conceyu de
Carreño mientres más de 4 meses nel marcu de los Planes Locales
d'Empléu de 2015 nin de 2016.
-Tar inscritos como demandantes
d'empléu nes oficines del SEPEPA, y nun ser perceptores de
prestación de desempléu, nel momentu de la formalización del
contratu.
“Siquier la metá del personal
contratáu va ser mayor de 45 años, y a lo menos 2 de los
trabayadores contrataos van ser perceptores del Salariu Social
Básicu. Esixencies éstes qu'impon la convocatoria del Principáu pa
subvencionar estes contrataciones” – añedió la rexidora.
“El personal que resulte escoyíu
pa esti Plan va desenvolver les sos xeres ente'l 1 d'abril de 2018 y
el 31 de marzu de 2019, y van incorporase a un itinerariu
personalizáu d'insertamientu, desenvueltu pola Oficina del SEPEPA.
Les persones comenenciudes en participar nel Plan Local d'Empléu
tendrán de presentar la solicitú correspondiente ante'l Conceyu de
Carreño, una vegada que se abra la convocatoria. Una vegada conocida
la subvención otorgada pol Principáu l'Axencia de Desenvolvimientu
Local trabaya na ellaboración de les bases pa poder convocar les
places y que nel mes de marzu yá tean escoyíes” – concluyó
l'Alcaldesa.
Albandi
