L'interés d'esti productu nel marcu de les
tradiciones gastronómiques d'Asturies xustifica la so recién
inclusión (30 d'avientu de 2016) ente los productos en que la so
comercialización ta autorizada l'usu de la marca de garantía
“Alimento del Paraíso Natural”, propiedá del Principáu
d'Asturies.
Los materiales de promoción oxeto de la campaña
van ser los siguientes:
5.000 posavasos, a distribuyir ente establecimientos
hosteleros y hoteleros del conceyu,
5.000 salvamanteles de papel, a distribuyir ente
restoranes del conceyu
20 cartelos de “Abierto/Pesllao ”, a distribuyir
ente los obradores onde s'ellaboren les marañueles nel conceyu.
“Con esta campaña que programamos l'añu
pasáu, pretendemos en esti primer trimestre del añu impulsar
el consumu de los productos locales. La mesma va consistir na
edición y distribución d'una serie de soportes publicitarios,
escritos en llingua asturiana, coles mires d'animar el consumu d'unu
de los productos más íntimamente amestaos a la cultura tradicional
y pesquero de la villa de Candás: les marañueles” – señaló
Cecilia Tascón, conceyala de Cultura.
“Pa desenvolvela realizóse'l correspondiente
procedimientu de contratación. Axudicándose'l diseñu ya impresión
de la mesma a la empresa Igráfix por importe de 1.177,33 €
IVA incluyíu. Dicha campaña tien l'oxetu de llegar al máximu
públicu posible, y amás el so arranque va ser tamién oxetu d'un
actu de presentación específicu a los medios de comunicación, pa
espublizala públicamente. Gustaríanos poder llevar esta Campaña de
promoción a FITUR, pero qué tal no tener personal nel Serviciu de
Normalización Llingüística de la Mancomunidá del Cabu Peñes
tuvimos que pidir collaboración pa revisar el conteníu de la
campaña” – concluyó la conceyala.
Albandi
