Les obres, que va impulsar la Conceyalía de Mediu Rural,
contemplen la renovación y meyora de la rede de distribución d'agua
na parroquia de Priendes, nel tramu entorno a la capiya d'El Ánxel
de la Guarda nel barriu de El Polledo.
“Dientro del Plan de renovación y meyora de los suministros
d'agua potable a les parroquies del Conceyu, que'l Ayuntamientu de
Carreño lleva a cabu p'ameyorar la calidá de los suministros y
sobremanera les sos característiques de caudal y presión, anguaño
deficitarios en dellos barrios del Conceyu. La zona na que se va
actuar nútrese d'una tubería de PVC de poca sección, que xenera
averíes difíciles de reparar por cuenta de que la canalización
pasa al traviés de propiedaes particulares. Les acometíes ya
instalaciones de contadores son bien antigües y atópense n'estáu
deficiente” – esplicó Manuel Noceda, Conceyal de Mediu
Rural.
“Col fin de resolver los problemes de la zona, proxectamos la
realización de les nueves canalizaciones con diámetru de 50 mm. Pa
ello aprovecharáse un tramu yá soterráu mientres les obres de
saneamientu realizaes na zona y va ampliase hasta'l barriu d'El
Polledo pa dar serviciu a tola zona. L'actuación inclúi'l treslláu
de les acometíes a la nueva rede puesta en serviciu, incluyíu'l
treslláu de contadores asitiaos davezu nel interior de les viviendes
a les llendes de les parceles, agospiaos n'armarios de formigón
prefabricáu, cola renovación de les acometíes domiciliaries que
sían necesaries “ – señaló'l conceyal.
Les acometíes, dende la llave esistente na vía o camín públicu,
van realizase con tubería de polietilenu 32 mm./10 atm., a salvo de
casos concretos en que fuera necesaria una sección mayor pola
esistencia d'esplotaciones ganaderes, naves industriales o otres
instalaciones que precisen un suministru mayor. Los contadores de les
viviendes van treslladase a unes casetes prefabricaes de formigón
normalizaes de 33 x 48 con puerta de PVC y visor de metacrilatu pa la
llectura; antes de contador asitiaráse llave de corte de ¾, salvu
los casos indicaos nel apartáu anterior. Los elementos de conexón
del contador (xuntes, racores, etc.) van tener de ser anovaos.
La renovación de la rede municipal va faese acordies con los
propietarios de cada acometida, afitando'l percorríu peles zones de
menor incidencia pa los distintos elementos de les viviendes, Pa
proceder en la renovación de materiales baltaos o llevantaos pa la
renovación.
“Pa la execución d'estes obres realizó'l procesu de
llicitación correspondiente, axudicándose les mesmes a la empresa
Obres, Servicios y Construcciones del Principáu, S.L. (OSYCO), por
importe de 9.785,51 €. El plazu d'execución de les obres
envalorase en 1 mes, a cuntar a partir del día siguiente la firma de
l'acta del replantego. El plazu de garantía de les obres contrataes
ye de dos años. Tolos trabayos van realizase cola coordinación y
supervisión del Serviciu Municipal d'Agües” – concluyó
Noceda