El personal del plan d'empléu llevó a
cabu los trabayos d'execución d'una solera de formigón para asitiar
nella trés contenedores de reciclaxe.
“Trátase d'un pidimientu formuláu
pola asociación vecinal d'El Pieloro, que preside Manuel Enrique
Menéndez. Para realizar estos trabayos retiróse la capa superficial
de tierra vexetal y darréu realizóse una solera de formigón
enrasada cola carretera para facilitar l'accesu del vecinderu de la
parroquia a los contenedores de reciclaxe” - señaló Amelia
Fernández, Alcaldesa de Carreño.
La solera asitióse nun llugar céntricu
y transitáu de la parroquia d'El Pieloro, nel que tamién hai una
marquesina d'autobús y otros dos contenedores de borrafes urbanes.
“El compromisu col reciclaje del
consistoriu local va esixendo más contenedores para la separación
de borrafes en zones urbanes y en zona rural. Una persona xenera, de
media, 1,25 quilos de basura entre orgánicos, plásticos, vidrios,
papel y cartón ye por eso que'l vecinderu local de delles zones del
conceyu pídennos qu'adoptemos midíes para ameyorar el serviciu de
recoyida de basures. Midíes que, en función del presupuestu
disponible vamos encetando. La siguiente actuación prevista va ser
una batería de reciclaje soterrada en Candás que se emplazará na
plaza de la Mancomunidá del Cabu Peñes” - concluyó la
Acaldesa.