Na mañana d'esti vienres, 12 de xineru
na Casa de la Cultura de Candás presentóse una nueva
edición del Concursu de Relatos Curtios de la Selmana Santa
entamáu pola Confrería Virxe del Rosariu de Candás. Nel actu
participaron la conceyala de Cultura Cecilia Tascón, el párrocu
local José Manuel García, María Teresa Álvarez y Moncha
Menéndez per parte de la Confrería.
A esta V edición van poder presentase
aquelles persones mayores de 18 años y residentes n'España. El
testu tendrá de ser orixinal ya inéditu, escritu en castellán y en
prosa. La tema, como bien indica'l títulu del certame, ye la Selmana
Santa, pudiendo tar basaos los relatos en fechos reales o de ficción.
La estensión de los trabayos nun va
devasar los trés folios en DIN A4 a una cara, mecanografiados a
doble espaciu nel tipu de lletra Times New Roman, tamañu
12. Los orixinales, por septuplicado, van unviase roblaos con
seudónimu y acompañaos de plica o sobre zarráu en que'l so
esterior figure dichu seudónimu y el títulu del relatu y nel
interior nome y apellíos, edá, fotocopia del DNI, teléfonu, corréu
electrónicu y señes de la persona concursante, según currículum
vitae.
El llugar al que por corréu s'unviarán
los exemplares ye: Confrería Virxe del Rosario, Urbanización
El Llagarón, númberu 28, 33430 Candás-Asturies,
especificando nel sobre “V Concurso de Relatos Cortos sobre la
Semana Santa”.
El plazu d'almisión de exemplares
va rematar el 1 de marzu del 2018.
El premiu va consistir nuna estancia,
pa la persona ganador y acompañante mientres la Selmana Santa del
2018 en Candás. Nel casu de que la persona ganadora sía
natural del Conceyu va faése-y entrega de la placa
conmemorativa.
El relatu va ser lleíu pol so autor/a
na celebración de la Misa de Pascua que se va celebrar el
domingu 1 d'abril na Ilesia de San Félix de Candás.
El fallu del xuráu va ser inapellable
y nun se van devolver los trabayos presentaos. En casu de publicación
del relatu premiáu l'autor o autora va arrenunciar a toa percepción
de derechos.