“El Conceyu de Carreño vien
collaborando col equipu Rugby Candás al traviés de la cesión
gratuita d'instalaciones como'l campu sintético pal desenvolvimientu
d'entrenamientos, del usu d'otros equipamientos del Patronatu
Deportivu Municipal coles ventayes d'un club deportivu local,
inclusive modificando los horarios d'usu para poder afaer los sos
entrenamientos na actividá deportiva habitual. A mayores xestionóse
apocayá énte la Dirección Xeneral de Deportes del Gobiernu
d'Asturies que puedan, si asina lu deseyen, competir na Morgal”
- esplicó Gabriel Rodríguez, Conceyal de Deportes.
“En Carreño optimícense les
instalaciones deportives y foméntense los usos compartíos siempres
qu'éstos sían compatibles. Prueba d'ello ye, por casu, el campu de
yerba sintético compártenlo 5 clubes distintos. En tolos casos,
inténtase algamar alcuerdos na midida de qu'estos cumplan esti
criteriu de compatibilidá. Nun compartimos la idea d'habilitar,
ensin más, l'usu compartíu d'un campu de yerba natural ensin
analizar les consecuencies ya incompatibilidaes qu'ello podría
xenerar y muncho menos, ensin tener en cuenta al so actual cesionario
el Club Victoria de Perlora que lluchó por esta instalación,
curióla y caltúvola dende va años”, añedió'l conceyals.
“Siempres manifestemos disposición
pa llegar a un alcuerdu satisfactoriu ente les partes, d'ende que
dende esta conceyalía caltuviérense delles xuntes colos dos clubes,
llegándose – tres elles - a la conclusión de la incompatibilidá
de los usos nel pretendíu campu de Candás y pollo, treslladamos
l'alternativa d'utilizar el La Morgal pa les competiciones”,
concluyó Rodríguez.
La comisión d'Educación, Cultura y
Deportes aldericó la moción presentada pol grupu municipal SOMOS
avera del usu del campu de yerba amiesto a La Mata pol equipu Rugby
Candás. En conociendo los grupos municipales tolos puntos de vista,
la moción treslladóse al plenu col dictame desfavorable de la
comisión colos votos en contra del PSOE, l'astención del Partíu
Popular ya Izquierda Xunida y el votu a favor de SOMOS.
Albandi
