Na mañana d'esti xueves 1 de febreru diose na renovación de los dos mupis (paneles informativos) urbanos que tien Conceyu de Carreño na villa capital, Candás. Estos, tán allugaos nel accesu al Centru Polivalente “La Baragaña” (calle Escalinata Jesús García Prendes), y na glorieta d'accesu al muelle de Candás (encruz de cais Pedro Herrero y Astillero) y tienen unes dimensiones de  1,24 x 1,78 m.

“Creemos un nuevu diseñu pa los mupis dientro de la llínea que se vien trabayando dende turismu cola marca “Late Carreño”, nellos apaez una selección de recursos turísticos de Candás y de les parroquies rurales de Carreño, alcontraos toos ellos en dos mapes de la villa de Candás y del conceyu. Esta actuación completa foi llevada a cabu a lo llargo del mes de Xineru cola renovación y actualización de cuatro abarganes de carretera allugaes en Tabaza, Prevera, Tamón y Candás, y un panel señalizador en Candás” – comentó la conceyala d'área, Paula Cuervo.

Les valles de carretera inclúin información de la distancia a la que s'atopa'l recursu turísticu, según la referencia de la carretera qu'hai que siguir pa llegar a él, facilitando d'esta miente la distribución de la circulación escontra dichos recursos.

Los recursos que s'indiquen en caúna d'elles son los siguientes:

-cercanía de glorieta d'entrada a Candás (encruz de carreteres AS-110 y AS-118): Esposición Permanente de la Industria Conservero de Candás.

-carretera AS-19 (Prevera, Carreño): Necrópolis tumular neolítica de Monte Areo y Aula Didáctica (El Valle)

-llateral de raqueta de Tabaza (encruz de carreteres AS-19, AS-110, AS-326 y AS-327 en Tamón): Casa de la Familia Ferroviaria

-salida de glorieta d'accesu a polígonu de Tabaza II (carretera AS-110): Muséu Antón

-accesu a Parque de Les Conserveres y a Esposición Permanente de la Industria Conservera de Candás (Avenida de la Constitución, s/n, Candás): Esposición Permanente de la Industria Conservera de Candás.

Les actuaciones fueron llevaes a cabu nel marcu de la llínea 2.2 (“Actividaes d'interés turísticu”) de les subvenciones convocaes pola Conseyería d'Empléu, Industria y Turismu pa les Entidaes Locales del Principáu d'Asturies en 2017, na cual el Conceyu de Carreño solicitó una subvención pa la renovación de la señalización de los principales recursos turísticos de Carreño.