Cola conducción de l'Axente d'Igualdá, Sandra González Antuña, na tarde d'esti xueves 22 de febreru, tuvo llugar na biblioteca municipal de Candas la presentación del segundu llibru de la escritora María Angeles Hijes, de títulu "La debilidad de temblar", con 20 relatos cortos de distintes temátiques.

La escritora, que yá visitase Candás el pasáu ochobre na publicación del so primer llibru “Un viaje sin retorno”, leyó varios de los sos relatos, y explicó cuestiones cotidianes, como un viaxe al supermercáu, que sirven-y d'inspiración. Al remate del actu la escritora contestó a les distintes cuestiones propuestes dende'l públicu asistente y robló dalgunos llibros.