El Gobiernu de Carreño acata y respeta
toles sentencies xudiciales independientemente de compartir o non el
so conteníu.
“Ayeri llegó al consistoriu
la recién sentencia de la TSXA sobro'l Plan de Normalización
Llingüística de Carreño. La mesma tase dando a estudiar
pormenorizadamente per parte de los servicios xurídicos municipales”
- señaló Cecilia Tascón, Conceyala de Cultura del Conceyu de
Carreño.
La decisión del Equipu de Gobiernu
Municipal sobre plantegar una respuesta llegal a la sentencia, en
siendo esamináu'l conteníu de la mesma, va ser llevada al próximu
plenu del Conceyu de Carreño.
“En nengún casu'l plan de
normalización que se vien desenvolviendo nel conceyu impon nada,
trabáyase nel marcu llegal vixente que contempla la Llei 1/1998, de
23 de marzu, d'usu y promoción del bable asturianu. L'añu pasáu
con dichu plan realizáronse talleres infantiles y xuveniles,
publicaciones de materiales didácticos y llibros” - concluyó
la Conceyala.