Dende READER, en collaboración con ADICAP ta entamándose la
xornada “Banda ancha, 4g+, satélite: alternativas de
conectividad y retos de la nueva ruralidad” que va celebrase el
próximu 20 de febreru de 2018 en Candás, de 17:30 a
20h., nel centru polivalente “La Baragaña”.
L'oxetivu de la mesma ye poner de manifiestu les diferencies
dixitales xeográfiquess qu'inda sufren munchos espacios rurales del
Principáu d'Asturies, al nun disponer d'accesu a internet con banda
ancha (30 Mbps), lo que llinda cuando non lastra por completu los sos
posibilidaes de desenvolvimientu económicu y social, según conocer
los desafíos actuales que presenta la conectividá con banda ancha
nestos espacios, les inversiones públiques que tanto
l'alministración central como autonómica lleven a cabu, les
tecnoloxíes y ufiertes disponibles por nuevos operadores y
provisores d'accesu.
La xornada va estructurase en trés bloques:
1. Desafíos a la conectividad de banda
ancha nel Mediu Rural.
2. Actuaciones públiques p'amenorgar les
diferencies dixitales xeográfiques.
3. Ufierta de servicios privaos pa la
conectividá.