Asfaltos Arlos va actuar en 184 puntos
de too el conceyu y reasfaltará más de cuatro mil metros cuadraos
de víes municipales.
“Esta mesma selmana empezamos
coles obres d'acondicionamientu del firme de dellos
caminos nel términu municipal de Carreño. Son actuaciones
programaes dende la Conceyalía de Mediu Rural partiendo de les
necesidaes que detectamos, más les quexes y suxerencies recoyíes de
les asociaciones vecinales y aportaciones d'otros particulares. A
partir d'esi diagnósticu global tamos tratando d'ameyorar l'estáu
del firme d'una parte importante de la rede viaria de propiedá
municipal” – señaló Amelia Fernández, Alcaldesa de
Carreño.
Les peculiaridaes del conceyu de
Carreño son consecuencia de la so localización estratéxica na rasa
costera central d'Asturies arriendes de la cuál la rede viaria local
soporta tráficos importantes diariamente. A ello hai que
suma-y la diversidá d'actividaes que se desenvuelven nesti ámbitu
territorial, ente los que destaquen el residencial, industrial y
agroforestal. Tou ello somete a la rede de caminos públicos a un usu
intensivu, que supon en práctica un acurtiamientu de la vida útil
de les infraestructures.
“Esti llote d'actuaciones de
reasfaltáu tán previstes nes dolce parroquies del conceyu: Ámbas,
Albandi, Candas, Carrió, Quimarán, Llorgozana, Perlora, El Pieloro,
Prevera, Priendes, Tamón y El Valle. Vamos Actuar sobre una
superficie de 4.332,28 m2 “ – prosiguió l'Alcaldesa.
La empresa contratada va faer dos tipos
d'actuaciones, tres los pertinentes requerimientos técnicos:
Rebacheáu normal: que consiste nel
fresáu del firme en mala traza, llimpieza y estendíu de capa
bituminosa D-10 en caliente n'espesura de 5 centímetros. La
superficie máxima por actuación ye de 6 m2 a partir de la cual
considérase media superficie. van efectuase 112 actuaciones d'esta
tipoloxía en Carreño que tomen una superficie de 243,60 m2
Rebacheu con tratamientu de “blandón”:
nestos casos resulta precisu la escavación y retirada del paquete de
firme a fondura abonda (envalorada en 30 cm) p'apurrir la capacidá
portante necesaria por aciu nuevu apurra d'una base de zahorra
artificial y estensión d'amiestu bituminoso en caliente D-10
n'espesura de 5 centímetros.
Atendiendo al tamañu de la superficie
na que se va intervenir en cada carretera local, falamos
d'intervenciones de media-gran superficie:
Media Superficie: nestes actuaciones
encetaráse'l fresáu de pequeños tramos bacheaos y/o en mal estáu
estructural, incluyendo la llimpieza y estendíu de capa bituminosa
en caliente D-10 a 5 centímetros d'espesura. La
superficie máxima d'actuación va ser de 21 m2. Nesti llote de
rebacheos per Carreño vam realizase 37 actuaciones con una
superficie total d'actuación de 430,90 m2.
Gran Superficie: nestos casos
acométese'l fresáu de tramos bacheaos y/o rn mal estáu, faciendo
la llimpieza y l'estendíu de capa bituminosa en caliente D-12 de 6
centímetros d'espesura. Mayor por tanto que na tipoloxía
anterior. Efectúense 27 actuaciones en grandes
superficies de los caminos y carreteres del conceyu con una
superficie total d'actuación de 3.546,20 m2.
El númberu total d'actuaciones en
Candás y les parroquies rurales va ser de 184, reponiendo'l firme de
4.332,28 m2 de viales.
“Pa la execución d'estes obres el
Conceyu de Carreño solicitó presupuestu a 5 empreses, resultando
axudicataria de la llicitación Asfaltos Arlos, S.L. por importe de
71.148 € IVA incluyíu. El plazu d'execución envalorase en 3 meses
a partor dende'l replantego de les obres y siempres que la
climatoloxía lo dexe. L'actuación contratada de reasfaltáu va
tener una garantía de 1 añu y va realizase con cargu a la partida
presupuestaria númberu 454 611.06 denominada Inversiones caminos
vecinales” – concluyó la rexidora.