A les dolce de güei, según lo previsto, celebróse la
concentración delantre del Conceyu de Carreño. Mientres la mesma,
realizóse una llectura paritaria del manifiestu aprobáu poles
asociaciones de muyeres del conceyu de Carreño.
Dos muyeres, Maria Isabel Rodríguez y María Antonia Morales, en
representación de les asociaciones de muyeres del conceyu y dos
homes, Simi Velasco, en representación del Gobiernu Local y Fernando
García, presidente del Comité d'Empresa del Ayuntamientu de
Carreño, dieron llectura al manifiestu reivindicativu.
Un llazu moráu como símbolu del feminismu va llucir tola selmana
nel Centru Polivalente “La Baragaña”.
Pela so parte'l conceyal Gabriel Rodríguez señaló:
“Les dos persones que tenemos dedicación esclusiva nel
gobiernu local, l'alcaldesa y yo, secundemos el paru convocáu. De la
mesma, solicitemos formalmente que se nos descuenten les
correspondientes hores de la próxima nómina. Secundámoslo porque
como socialistes compartimos les reivindicaciones feministes y
tenemos el firme compromisu de trabayar p'ameyorar la situación
sociu llaboral de les muyeres – dientro de les competencies
municipales-. Nesti 8 de marzu, visibilizamos – un añu más - el
compromisu de güei y los 364 díes restantes cola reivindicación de
la igualdá y non discriminación por xéneru”