Esti llunes, día 19 de marzu, l'alumnáu de los Centros Escolares
de la zona rural: Quimarán- El Valle y Llorgozana visitó'l
Consistoriu de Carreño.
21 neños y neñes allegaron a la cita cola Alcaldesa y el
gobiernu local en compañía de les sos respectives profesores, Mirta
Morán Martínez y Lorena Piquero Pérez (Quimarán- El Valle)
y el profesor Santiago José García Gutiérrez (Llogrezana).
A les diez de la mañana nel autobús municipal llegaron a Candás
pa visitar dalgunos de los servicios municipales. Visitaron
primero'l serviciu d'obres, onde-yos recibió'l conceyal d'obres,
Simi Velasco, darréu la Oficina Técnica Municipal onde-yos
atendió'l conceyal d'urbanismu, Gabriel Rodríguez, de siguío
visitaron les dependencies de la Policía Local y sobro les
12 hores llegaron al edificiu de la Casa Consistorial. Equí la
rexidora esplicó-yos les distintes funcionalidades de los servicios,
como'l rexistru d'entrada y salíes, etc. Los neños y les neñes
solicitaron por rexistru una serie de meyores pa la so escuela.
En cada serviciu municipal bisbisaron poemes al escuchu del
personal municipal. El Haiku ye un tipu de poesía xaponesa.
Consiste nun poema curtiu de 17 “mores” formáu, según la norma,
por trés versos de cinco, siete y cinco mores respectivamente. Con
tou, nun se trata por completu d'una métrica fixa. Comúnmente
sustitúyense les mores por sílabes cuando se compon n'otres
llingües. Originalmente la esencia del kaiku ye “cortar” por
aciu la conexón de dos idees o imaxes separaes por un Kireji
(pronunciáu n'español keryi), que ye'l ´termino “cortante” o
separador. La poética del haiku xeneralmente básase nel plasmu y
l'emoción que produz nel poeta la contemplación de la naturaleza.
Siguiendo'l réxime tradicional xaponés, la composición suel
contener dalguna referencia directa o indireuta a la estación del
añu, por aciu l'usu d'un kigo o palabra que remembra les estaciones.
Los saijiki son llistes estenses de palabres kigo en xaponés, que'l
poeta puede utilizar. Nesta visita escolar neños y neñes
recitaron un poemariu completu de Haikus de la poetisa Valenciana Mar
Benegas (26 poemes) y otru poema d'un Haiku de la maestra asturiana
Noemí González.
Los haikus de les escueles rurales tendiéronse con pinces nel
tendal que s'habilitó na plaza del Conceyu a partir de les 12:15
h. Ellí van permanecer tendíos con pinces de madera hasta'l
21 de Marzu, Día Mundial de la Poesía, propuestu en 1999 pola
Unesco, que se celebra cada 21 de marzu (equinocciu
de primavera, nel Hemisferiu Septentrional) col propósitu
de consagrar la palabra esencial y la reflexón del nuesu tiempu.
Darréu, nel Salón de Plenos Municipal l'Alcaldesa, acompañada
del Secretariu, ya integrantes del gobiernu local esplicaron cómo se
xestionen los distintos servicios municipales en Carreño
y les distintes xestiones que se faen dende'l Conceyu.
Pa rematar la visita tuvieron la oportunidá de caltener un
alcuentru cola Poetisa y Presidenta de l'Asociación d'Escritores
d'Asturies, María Esther García López .La cuál donó llibros a
les dos Escueles y recitó con ellos y elles dellos Haikus de la so
ellaboración.
Los neños y les neñes recibieron un llibru de Haikus n'asturianu
“Deva flor de Primavera”, obra de María Esther, la cuál
dexó desinteresadamente los derechos d'autora al Conceyu de Carreño
pa la so reedición.