Esti miércoles, 21 de marzu remató'l plazu por que la mocedá de Carreño va presentar propuestes a los Presupuestos Participativos Xuveniles 2018. Diez de les 33 propuestes (un 30 %) pasen a proyectos y sométense a votación a partir del día de güei. Van Poder votales hasta'l 22 d'Abril.

“Dende'l Conceyu de Carreño quixímos anguaño impulsar la participación ente la mocedá del conceyu, y por eso, diseñamos un procesu participativu específicu pal colectivu col ánimu de recoyer les sos moliciones. Realizamos sesiones de formación presencial nel IES, esplicándo-yos cómo yera'l presupuestu municipal, y cómo participar faciendo aportaciones al mesmu. D'esta manera garantizamos que les propuestes formulaes nesta segunda fase del procesu participativu fueren solamente mozos y moces con edaes entendíes ente los 16 y los 25 años, quienes van formular propuestes. Asitiáronse urnes en trés edificios públicos con gran arribación de mocedá: Biblioteca Municipal “Carlos González Posada”, Centru Polivalente “La Baragaña” y l'Institutu de Candás, onde amás se foi a informar de too el procesu cola técnica de Participación Ciudadana y tresparencia del Conceyu” – esplicó la conceyala de participación ciudadana Paula Cuervo.

En total recoyéronse 33 propuestes, de les que tres la valoración del equipu técnicu, pasaron a la fase de votación un númberu de 10.

Les propuestes xuveniles que pasen a fase de proyectos pa la so votación son:

Reformar canches de tenis nel Polideportivu de Candás

Parque de Calistenia en Candás.

Reforma de les parrilles de la Fonte de los Ánxeles en Candás

Pista d'atletismu con tartán, nel polideportivu de Candás

Una fonte nos campos de fútbol al llau del polideportivu en Candás

Zona d'ociu pa mocedá

Ameyorar los sitios con muncha vexetación na Fonte de los Ánxeles en Candás

Parque de parkour–skate parkour

Arreglu de cancha de baloncestu nel polideportivu de Candás

Meses “ping-pong”

“El motivu d'esclusión de  delles propuestes presentaes y que al aparrar nun van llegar a la fase de votación ye principalmente por non ser inversión y en delles d'elles por non ser éstes de competencia municipal. Ente los diez propuestes que pasen a votación cinco son de meyores o creación d'instalaciones deportives, pero la propuesta más demandada vien de la necesidá de crear una zona d'ociu en Candás pa la xente moza” – esplicó la edil.

“Les votaciones a los diez proyectos resultantes de la primer fase de recoyida de propuestes van empezar a partir de güei, xueves 22 de marzu y van enllargase hasta'l próximu domingu 22 d'abril. van faese namá al traviés de la plataforma https://decide.carreno.es y pueden participar toles persones empadronaes en Carreño mayores de 16 años o que cumplan 16 años nel añu en cursu” –concluyó Paula Cuervo.