Estes xornaes financiaes pol Conceyu de
Carreño y coordinaes pola Oficina d'Información Xuvenil de la
Mancomunidá del Cabu Peñes van dexar trabayar nos centros
educativos de primera y secundaria la sensibilización, prevención y
promoción de la igualdá d'oportunidaes, en redol a la rotura
d'estereotipos sexistes.
Nel salón d'actos municipal, nun actu
presidíu pola Alcaldesa, cola asistencia de responsables de los
centros educativos, AMPAS, entidaes collaboraes y asociaciones de
muyeres del conceyu presentóse'l programa previstu.
Van celebrase del 14 de Marzu al 20 d'Abril
de 2018 en IES de Candás, CEIP “San Félix”, y CEIP “Poeta
Antón”. Nesta edición pa desenvolver la programación prevista
tiénense seis entidaes collaboradores: Tres colores, Asociación
Muyeres Jóveness, Equipu de Gloria Sagasti, Astursex, Avanzando y
l'Institutu Asturianu de Psicodrama.
Los oxetivos que se pretenden con estes
acciones son, ente otros, destacar el papel crucial de los centros
educativos na superación del sexismu ya incidir na etapa de
l'adolescencia, onde la segregación ente dambos sexos y los
estereotipos de xéneru radicalícense pola tremenda presión
qu'exercen los iguales, por que la persona s'axuste al rol de xéneru
que se-y foi asignáu. Cola collaboración d'entidaes espertes,
profesoráu y families preténdese inculcar la igualdá de tratu
dende edaes tempranes, que conozan pautes básiques d'analises del
sexismu en clave de xéneru. Y en el casu del IES, complementar y
ampliar dende l'ámbitu local lo que yá se trabaya'l programa
rexonal «Nin ogros, nin princeses» de la Conseyería d'Educación.
Talleres previstos col alumnáu
d'educación secundaria
“Destruyendo mitos” “Comunicación y
publicidá dende la perspectiva de xéneru”
“Comunicación y estereotipos de xéneru”,
“Mozos y moces: diferencies dende la igualdá. Roles, estereotipos,
procesos de namoramientu,
“relaciones” y “El mio cuerpu,
la to mirada. La violencia simbólica”
Talleres previstos n'educación primaria:
ceip Poeta Antón y ceip S. Félix
“Redes sociales y terminales móviles.
Intimidá, comunicación y bon uso”
“Cambeos corporales, sensaciones. Pubertá
y adolescencia”
“Ligones” “Cuídate, cuídote”,
“Batukada
pola igualdá” “Gústennos les
tecnoloxíes” “Gústennos les ciencies”
Representación “Formes y colores
familiares” y desenvolvimientu de Gymkanes coeducatives.
Albandi
