A partir d'esti sábadu 24 de marzu la Casa de la Cultura
de Candás va acoyer l'amuesa pictórica “Como nos gusta
pintar” a cargu del alumnáu local que participa nel taller
impartíu pola artista local María Jesús Fernández Iglesias.
“Va esponese'l trabayu realizáu poles artistes locales
que asisten al cursu, toes neñes ente los 5 y los
12 años. Tán bien ilusionaes y nervioses con esta iniciativa yá
que supon que los sos familiares y amistaes per primer vegada van
conocer la so obra y vans enfrentase al públicu, amás de ser la so
primer esposición” comentó María Jesús Fernández
Iglesias, pintora que-yos imparte clases
“Vamos poder ver cuadros de diversa temática, pero con
muncho coloríu y lluz, como son elles. A la de empezar un
nuevu proyectu, elles, deciden pintar lo que quieren
espresar, como ven el mundu dende la so perspectiva. Les
más pequeñes sobremanera pintaron semeyes pero tamién vamos poder
ver paisaxes, como lo demuestra'l cuadru que conxuntamente recrearon
d'un llugar tan emblemáticu para Candás como ye la Plaza
de la Baragaña, Cuadru que les mesmes alumnes decidieron
que sía donáu al Conceyu” prosiguió Iglesias.
“Va ser una amuesa interactiva, porque pretendemos que neños
y neñes que la visiten interactúen. Polo que dientro de la sala
acutemos un espaciu, a manera de taller, por que cualquier neñu o
neña pueda pintar, afigurar la so creatividá y dexar colgáu esa
obra xuntu col restu de les obres que formen la esposición” rellató
María Jesús.
La esposición va tar na Casa de la Cultura de Candás
(cai Santolaya nº 9), dende'l sábadu 24 de marzu hasta'l
1 d'abril, dambos inclusive, nel siguiente horariu:
Llunes a vienres de 19 a 21 hores.
Sábados, domingos y festivos de 12 a 14 hores y de 19 a 21h.
Albandi
