Gabriel Rodríguez: La oposición bloquió'l cambéu de calificación del terrén del edificiu en Perán

Nin más nin menos, la oposición bloquió'l cambéu de calificación de la cortil nel que s'atopa l'edificiu que Mariñes preve baltar en Perán”, Gabriel Rodríguez, conceyal d'urbanismu y voceru del gobiernu local, foi contundente na so respuesta a les declaraciones apaecíes nel en relación al inmueble que Mariñes tien previstu baltar en Perán.

L'edificiu en cuestión clasificóse como Suelu Urbanu. Esto nun tien nenguna incidencia sobro l'asuntu de la baltadera qu'impulsa Mariñes, ye más, p'asigna-y una nueva calificación -si se pretende agora- sería necesariu modificar el Plan Xeneral pa lo cual ye precisu tener el testu refundíu aprobáu. A pesar de los esfuerzos que fiximos dende'l gobiernu local col fin d'avanzar nesa solución, la opción del conxuntu de la oposición foi la de nega-y a Carreño esa aprobación. Repitimos que la llínea d'esllinde del Dominiu Públicu Marítimu Terrestre na zona de Perán ta aprobaba por Orde Ministerial del 29 mayu de 1998. Nin los Conceyos nin los Planes Xenerales d'Ordenación pueden modificar esta llínea”, esplicó'l conceyal d'urbanismu.

Convien esclariar qu'al respective de la catalogación, una vegada revisada la meyora del plan al que se refieren los vecinos de Perlora, l'edificiu nunca tuvo catalogáu. Nin na meyora previa, nin darréu nel catálogu aprobáu. Catálogu que tuvo sometíu a esposición pública y al  que pudo alegase, nel so momentu, tanto a títulu personal la propiedá, como dende les entidaes vecinales o los grupos políticos y sicasí, a pesar de la molición que'l Plan Xeneral amenó en parte d'esa parroquia, naide formuló allegamientu dalgunu sobre dichos edificios”, concluyó Gabriel Rodríguez.