L'asociación de persones xubilaes El Paseín de Candás participa
na ellaboración d'un nuevu pliegu de llicitación del serviciu de
cafetería del Centru Polivalente “La Baragaña”, na tercer
planta del citáu edificiu.
Na mañana d'esti 21 de marzu, la responsable de contratación
municipal, Salomé García, el responsable de la xestión del centru
polivalente, Alain Fernández, la concejala de Bienestar, Cecilia
Tascón y l'Alcaldesa, Amelia Fernández celebraron una sesión de
trabayu cola directiva de l'asociación que preside Olga Álvarez. La
finalidá del alcuentru foi recoyer les propuestes de meyores que
plantega'l colectivu pal nuevu procedimientu de xestión de la
cafetería.
La directiva de l'asociación de persones mayores de Carreño
solicitó al Consisitoriu que'l centru empreste serviciu de cafetería
nel horariu de 10 a 21 hores, propunxeron que los descansos
selmanales fueren, na midida de lo posible, na mañana de los
domingos almitiendo la posibilidá d'axustar otru día con quien
resulte finalmente axudicatariu/a. El periodu vacacional que
s'esfrute nel mes d'Agostu y que en ciertes festividaes, como
Nuechevieya y Nuechebona, cerrar al públicu como'l restu del centru.
Asina mesmu, propunxeron una posible bonificación nos precios que
favoreza a les persones mayores. Tamién treslladaron la idoneidad de
tener menúes del día nel serviciu y unos bonos con posibles
descuentos selmanales pa facilitar aquelles persones más vulnerables
puedan esfrutar d'una comida equilibrada a un preciu algamadizu.
Albandi
