Meyores nel arboláu de Candás

El serviciu municipal de parques y xardinos ta realizando estos díes los plantíos de delles especies en San Antonio, Fonte de los Ánxeles y la redolada del aparcamientu del Molín.

L'equipu de Gobiernu y el grupu políticu SOMOS, alcordaron na negociación presupuestaria del 2017, una serie d'inversiones en materia d'arboláu pa delles zones de Candás. Nesti contestu, el Conceyu tuvo la disponibilidá de les especies que nun se llantaron hasta agora, cuidao que el serviciu de parques y xardinos municipal encamentó'l so plantíu na dómina más fayadiza, a raigañu desnudu.

No tocante a la Fonte de Los Ánxeles. Na actualidá ellí esiste abondosa vexetación onde predomin'l color verde col verde y sebe de Leylandii y ello supon un monocolor, que según técnicos municipales, teníamos qu'ameyorar. Por ello, trabayamos p'ameyoralo incorporando especies de variaos colores que-y dean el pretendíu contraste y que sían apropiaes pa la zona (especies de flor, fueyes en colloraos y ocres, etc). Equí'l plantíu va ser d'un total de 25 árboles, Betula utiliis de tueru blancu, Acer Capadocium de tonalidaes marielles y Acer Atropurpurea de tonalidá colorada” – esplicó Gabriel Rodríguez, edil d'Urbanismu 

No relativo a la vexetación de la Fachada marítima de Candás, entiende una serie d'espacios de titularidá municipal que tomen una estensión, ente'l muelle y el campusantu de más de 80 mil metros cuadraos. El so necesariu tresformamientu de dominiu agrícola, nel so día, a la so puesta en valor paisaxísticu y sostenible ye una xera complexa como asina nos lo treslladaron el personal municipal de la área de xardinos. Cola pretensión citada de meyora paisaxística y sostenible empecipiamos la collaboración del Serviciu de Parques y Xardinos del Conceyu de Carreño y l'equipu técnicu del Xardín Botánicu del Conceyu de Xixón, articulándose la collaboración dientro del marcu de “Xardines de Raigañu” pa encarar replantaciones de flora autóctona local. 

Tamos trabayando contemplando la fachada marítima nel so conxuntu, atendiendo a los distintos usos vecinales de cada espaciu ( ex. prao de Gervasia usu de paséu, espansión y fiestes pal vecinderu, etc) y la configuración de la que partimos. Los biólogos del Botánicu tán trabayando col nuesu personal nel estudiu de la flora esistente, usos de les zones verdes ya interacciones cola proximidá del Cantábricu. Avánzase tamién na concreción del Monte de la Memoria que se ta proxectando pa esta zona. Hasta'l momentu, realizóse la meyora del suelu de la ocalitera más próxima al Muséu Antón, realizóse una llantadera de pradería natural, se deschuponaron tacones y síguese trabayando a la espera de tratamientos socesivos. Agora vase empecipiar el plantíu d'unes mases de parrotales que yá esisten na redolada, poner más exemplares, del tipu cratageus y prunos. Esti plantíu inicial va constar de 125 parrotales de distintu tamañu y de dos especies que se van dir distribuyendo, según criterios técnicos, formando llurdios.” – añedió'l conceyal.

La realización d'esta rexeneración más ecolóxica de la fachada marítima hai de ser una llabor constante, atendiendo a criterios técnicos y teniendo de siguise bien los criterios establecíos, destinando en cada añalidá presupuestaria recursos económicos” – afirmó Rodríguez.

No que respecta al Parque Inglés, va realizarse en Mayu'l plantíu de 10-15 palmeres fora de la zona que destinamos a eventos festivos. Trátase d'un plantíu aconseyáu pol Serviciu de Parques y Xardinos municipal al esistir yá especies na zona y afaese bien al mediu” – concluyó'l conceyal.