Willy, un xatu de Carreño, ye'l primer xatu producíu por aciu fecundación in vitro animal
El xatu d'asturiana de los Valles nacíu nuna ganadería de Coyanca ye fíu d'una vaca frisona “La Mora” a la que tresfirieron un embrión d'una vaca sacrificada y un toru denomináu “Campanero”.
AsturBiotech, fundada en 2015 ye una empresa filial de la Cooperativa de Labradores, ta especializada na fecundación in vitro animal.
“El serviciu veterinariu y personal técnico de la Cooperativa, que tien delegación en Carreño, foi pioneru na implantación nel campu asturiano de les nueves tecnoloxíes reproductives bovines con fuerte enfoque na aplicación y conversión práctica d'eses técniques nes ganaderíes. La de la Torre en Coyanca (Perlora) ye un exemplu d'ello” - esplicó Amelia Fernandez, Alcaldesa de Carreño
“Siguiendo esta filosofía de lideralgu tecnolóxicu en técniques reproductives la Cooperativa creó AsturBiotech pa satisfaer la creciente demanda de productores ganaderos del Principáu d'Asturies de la tecnoloxía FIV (fecundación in vitro animal). Los sos llaboratorios tán dafechu forníos cola tecnoloxía necesaria pa la producción d'embriones a partir d'ovocitos recoyíos de vaques vives, o como nesti casu de vaques sacrificaes pudiendo ser tresferíos a vaques receptores, como “La Mora” en frescu o conxelaos” - afirmó la rexidora.
Gracies a un alcuerdu col Serida, el personal del llaboratoriu de AsturBiotech foi formáu en dichu centru amás cola asesoría técnica permanente de la área de xenética y reproducción animal del Serida, grupu destacáu a nivel internacional nel mundu de la reproducción animal, recibiendo amás la tresferencia d'una novedosa técnica de conxelación d'embriones pa puesta directa desenvuelta íntegramente por esti grupu d'investigación.
La xeneración d'embriones bovinos emplegando la técnica FIV ufierta numberoses ventayes. Nel casu d'ovocitos procedentes de la punción ovárica de vaques d'eleváu valor xenéticu, la FIV dexa encurtiar l'intervalu xeneracional y aumentar la meyora xenética maternal produciendo más proxenie que por métodos convencionales.
Nel casu d'ovocitos procedentes d'ovarios de vaques sacrificaes en mataderu dexa la producción d'embriones de baxu costu pa emplegalos con fines terapéuticos na recuperación de vaques y nubielles non fértiles, como'l casu del xatu de*Coyanca nacíu d'una vaca receptora que presentaba problemes d'infertilidá.
“Estimar el llabor que vien realizando la Cooperativa nel desenvolvimientu del sector primariu, y especialmente polo que vien impulsando en Carreño. Tuvimos col so presidente Joaquín Vázquez viendo les instalaciones de la so delegación equí, en que'l so redolada prevemos asitiar una batería de contenedores de reciclave. Y na ganadería de la Torre vimos in situ l'aplicación directa de la investigación y los servicios veterinarios de la Cooperativa” - concluyó l'Alcaldesa.
Albandi
