Les Antigües Escueles de Ambás acoyeron esti sábadu la sesta función del programa cultural “XIII Ronda Teatral per Carreño”. Esta actividá ta entamada pola Conceyalía de Cultura del Conceyu de Carreño col fin de llevar la cultura, el teatru y la cultura asturiana a tolos rincones del Conceyu.Dos fueron les actuaciones programaes: la del Grupu de Teatru Xana” de Perlora y la Monologuista Lluz Mari del Sol.
La compañía de Perlora representó la obra “Dona Josefa”. El GT “Xana” ye unu de los grupos de teatru con más solera d'Asturies y de xacíu el más antiguu del conceyu. Cola dirección de Rosana Muñoz representó la obra de Eladio Verde "Xuacu el farolete". Como nun podía ser d'otra forma ye una comedia na que nuna aldega asturiana asocédense aventures amoroses, lo que va llevar al vecinderu a una serie de problemes y reñes.
“XANA” nació en redol a 1980. Foi la primer compañía, xuntu col GT Horru de Barcia, la Compañía Asturiana de Comedies y GT de Tapia de Casariego que participaron n'el I Salón de Teatru Costumbrista Asturianu de Candás allá en el mes d'abril de 1991.
Los de Perlora fueron premiaos en numberosos llugares d'España, actuando non yá en territoriu español, si non tamién llueñe de les nueses fronteres, como por casu Xinebra, Berna, Basilea. Nel añu 2000 recibieron el urogallo de bronce, galardón qu'otorga'l Centru Asturianu de Madrid. Nel 2001 recibieron el VIII Premio Distinción. Mientres les ediciones del salón costumbrista del Teatru Prendes algamaron dellos premios “Aurora”, los postreros na pasada edición, a la meyor dirección de la mano de Rosana Muñoz, y tamién al meyor maquillaxe y vestuariu. Enantes llograron el de meyor actriz otorgáu a Covadonga Braña, tamién llograron unu al meyor llume y decoráu, según uno honoríficu al actor de la compañía tristemente fináu Amador Martín.
Pela so parte, Luz Mari del Sol allantó al públicu colos sos risonderos monólogos. Ella ye una de les poques muyeres, que se dedica a el monologuismu asturianu. Participó en numberoses ocasiones con otres compañíes de teatru como'l GT Rosario Trabanco de Xixón. Pero sobremanera identifícase como una gran monologuista costumista que podríamos calificar como de tola vida. Na última edición de los premios Aurora dientro del Salón de Teatru Costumista Asturianu de Candás, n'el 2016, el premiu “Ánxelu” de monologuismo recayó precisamente en Luz Mari del Sol.
Nesa mesma tarde tuvo llugar tamién l'actu d'inauguración de la esposición fotográfica “Carreño y les sos xentes, Ambás", na que son espuestes 60 imaxes de les munches dexaes pol vecideru de la parroquia tres la escoyeta y dixitalización per parte de l'asociación Candás Marineru. L'actu tuvo la intervención de la Conceyala de Cultura, Cecilia Tascón, y del presidente de la entidá, Tito Aramendi. La esposición va tar abierta al públicu hasta'l 1 d'Abril toos los martes y xueves de 17 a 19 hores.
Albandi
