Na mañana d'esti 19 d'abril, na Casa de Cultura de Candás,
l'Alcaldesa de Carreño, Amelia Fernández, y el Vicepresidente de la
Unión de Comerciantes d'Asturies, Rafael Gutiérrez, dieron na
entrega de la trentena de premios de la promoción conxunta de
"Cheque Regalo".
La citada promoción comercial ye una de les actuaciones de
collaboración previstes ente l'asociación comercial y el
Consistoriu local. Desenvolvióse nel períodu entendíu ente 23 de
Marzu al 12 d'Abril y consistió nel sortéu de 30 cheques regalo por
valor de 60€ .
Nesta promoción participaron 1.600 persones que fixeron compres
nos establecimientos acomuñaos del conceyu y depositaron les sos
papeletes pal citáu sortéu de cheques regalo pa faer compres de
nuevu en Carreño. El pasáu llunes, día 16 d'Abril,
realizóse'l sortéu de los cheques ente persones participantes.
La próxima acción de promoción del comerciu local ta prevista
pal Día de la Madre, arrinca el vienres 27. Regálase xuna
planta ornamental coles compres.