L'Ayuntamientu de Carreño, dende la
Conceyalía de Mocedá y en collaboración cola Oficina Joven Cabo
Peñes y Cruz Roja Juventud realizó una encuesta sobre l'ociu y la
participación de la mocedá nel conceyu.
“El principal oxetivu d'esti
trabayu ye la busca d'una ufierta d'ociu afecha a les mires dela
mocedá, que respuenda amás al compromisu que dende'l gobiernu local
adquerimos coles families pa ufiertar un equipamientu nel que puedan
llevar a cabu distintos actividaes y que sía l'alternativa a la
ocupación d'espacios que poco tienen que ver col tiempu llibre mozu
en distintos puntos de Candás”- señaló Paula Cuervo,
conceyala de mocedá.
“Pretendemos programar nueves
acciones de participación y tiempu llibre destinaes a la población
moza del conceyu y pallo preguntámos-yos en qué tipu d'actividaes
gustaría-yos participar o inclusive aquelles que-yos gustaría
entamar pola so cuenta y nes que'l Conceyu podría collaborar dexando
espacios municipales, equipamientu técnicu y otros recursos pal bon
desenvolvimientu de l'actividá”- esplicó Cuervo.
“Na encuesta, que podía rellenase
al traviés d'un formulariu electrónicu, nel Institutu y los puntos
nos que trabayó'l voluntariáu de Cruz Roja Juventud, participaron
362 mozos y moces nel periodu entendíu ente los díes 5 y 21 de
marzu”- añedió Paula Cuervo.
Les resultancies llograes tradúcense
nes siguientes conclusiones:
La tecnoloxía aplicada a les
alternatives d'ociu gana espaciu ente les preferencies de los más
mozos,
-Les actividaes tecnolóxiques y
audiovisuales venceyaes a la realidá virtual, les apps y los
videoxuegos y Youtubers son les más valoraes, especialmente polos
mozos.
-tocantes a les actividaes de creación
artística, l'arte na cai (grafitti) y la fotografía y vídeu con
móvil son les más valoraes, nesti casu poles moces.
L'ociu rellaciónase col cuidu del
mediu ambiente
-Les actividaes medioambientales con
más aceptación ente los mozos son la collaboración na llimpieza
d'espacios verdes, la xardinería y los güertos ecolóxicos.
-Otru tipu d'actividaes qu'atoparon
respuesta favorable fueron les salíes y les escursiones pola
redolada y el parkour.
El centru de Candás ye l'allugamientu
preferíu pola mayoría pa la puesta en marcha d'un Espaciu pa la
Mocedá
-La mayoría opta pol Centru
Polivalente, al que siguen ente les opciones más valoraes, el parque
Les Conserveres, la Baragaña y l'Antigua Fábrica d'Ortiz.
-Los conciertos y los grupos de
conversación d'idiomes son les actividaes coles que les moces
mayoritariamente daríen conteníu a esti espaciu, ente que los mozos
opten polos videoxuegos.