L'oxetu de les obres que se van acometer ye la renovación y meyora
de la rede de distribución d'agua na zona del Cotarón. Por aciu
esta meyora anovaráse la rede para ameyorar la instalación de
delles viviendes.
Esta actuación forma parte d'un plan de renovación y meyora de
los suministros d'agua potable, que'l Conceyu de Carreño ta llevando
a cabu para ameyorar la calidá del serviciu públicu qu'empresta,
los suministros y sobremanera les sos característiques de caudal y
presión, anguaño deficitarios en dellos barrios de Carreño.
“Esta zona venía nutriéndose al traviés d'una tubería de
PVC de poca sección, que venía xenerando múltiples averíes
difíciles de reparar por cuenta de que la canalización pasa al
traviés de propiedaes particulares. Les acometíes ya instalaciones
de contadores son tamién bien antigües y atópense n'estáu
deficiente” - detalló'l conceyal de la zona rural.
“Col fin de resolver los problemes de la zona, proyéctase la
realización de les nueves canalizaciones con diámetru de 50 mm.
Para ello realizaráse una nueva cabiana pola cuneta del camín para
agospiar la nueva tubería” - añedió Manuel Noceda.
“Pa la execución d'esta obra'l Conceyu de Carreño
solicitó presupuestu a 3 empreses capacitaes: Construcciones Bahía
de Perán, S.L.O.; Bienes y Obres del Principáu d'Asturies y Jaime
Fernández, S.L. Axudicándose la obra a Construcciones Bahía de
Perán, S.L.O. por importe de 12.087,79 € El gastu va ser con cargu
a la partida “Meyores de rede de distribución d'agua del Conceyu”
del vixente Presupuestu. Establezse'l plazu de garantía de dos años,
mientres el cual la empresa axudicataria va ser responsable del
caltenimientu y arreglu de les obres, teniendo de reemplazar por
otres nueves toes aquelles que resulten estropiaes o deterioraes por
cualesquier causa, o nun funcionen debidamente por causes que-y sían
imputables” - concluyó'l conceyal