Dende va quince años el Conceyu de
Carreño, al traviés de la Biblioteca Pública Municipal “Carlos
González Posada” de Candás, entama'l Concursu de
Marca-páxines”.
El xuráu, axuntáu na mañana d'esti
13 d'abril tuvo una xera trabayosa. Cuidao que hasta'l 10
d'abril , fecha llende para presentar los trabayos, esto ye,
presentáronse un total de 778 marca-páxines., superando en
casi un centenar los presentaos na pasada edición.
Anguaño'l tema escoyíu para 2018, que
sirvió de fonte d'inspiración, foi “Monstruos de
Cuento”, coincidiendo col bicentenariu de la publicación de
“Frankeinstein” de Mary W. Shelley.
Como inspiración pudiéron utilizar
cualesquier de les múltiples obres nes que bisarmes son los
protagonistes, o bien les persones participantes pudieron dexar volar
la imaxinación y crear les sos propies bisarmes.Para ello n'unos de
los espacios de la biblioteca los más pequeños y pequeñes de la
casa pudieron esfrutar d'una selección de llibros y cuentos sobro la
temática d'esta edición.
• neños y neñes de 0 a 7 años
• neños y neñes de 8 a 12
años.
Na bases establecíase un primer premiu
y dos accésit pa caúna de les categoríes. Consistiendo los premios
nun diploma y un llote de llibros. Amás los marca-páxines ganadores
van ser la imaxe de la Biblioteca Municipal pal añu 2018.
El Xuráu formáu por persones
venceyaes al mundu de la cultura y l'arte tuvo compuestu
por Alaín Fernandez, Xerente del Centru Cultural Teatru
Prendes; Dolores Villameriel, Directora del Patronatu Museo
Antón; Cecilia Tascón, Conceyala de Cultura y actuando como
Presidente Amelia Fernández, Alcaldesa de Carreño; faciendo
les funciones de secretaria Carmen Dintén, Bibliotecaria
Municipal, decidió premiar los siguientes trabayos:
1. Categoría de 0 a 7 años:
• Primer Premiu:
Aurora Castroagudín Muñíz, de 7 años
• Accésit: Carlota García
Fernández, de 7 años y Lorena Serrano Sanz, de 7 años
2. Categoría de 8 a 12 años:
• Primer Premiu: Sergio
Menéndez Martínez, de 12 años.
• Accésit: Blanca Garrido
Rodríguez, de 8 años y Martín Peña Alba, de 10 años.
“Asina mesmu'l Xuráu decidió
conceder a un tercer accésit na categoría de 0 a 7 años a la obra
conxunta presentada pol aula “Los Delfines” de la Escuela
Infantil “La Marinera” de Candás ”
concluyó Tascón.
Tres la deliberación del Xuráu
los 778 Marca-páxines van ser espuestos nuna esposición
conxunta na Biblioteca Municipal. La esposición podrá visitase nel
horariu habitual del Centru Municipal. Amás na Sala
Polivalente de la Biblioteca van tar espuestos marcar-páxines
ganadores y finalistes d'años anteriores “Concursu de
Marcapáxines”,
Encuadrada dientro de los actos de
celebración del Día del Llibru, la entrega de los premios va tener
llugar na Sala Infantil de la Biblioteca Municipal “Carlos González
Posada” el llunes 23 d'abril a les 17:30 hores. Nel intre del
actu “Cuentacuentos Puppy´s” va allantar a pequeños y
pequeñes col Cuentacuentos “Monstruos de Colores”.
Como actividá complementaria a esti
aXV edición del Concursu, la Biblioteca Municipal entamó l'actividá
“Soi Tragaldabas”. Nes qu'al pie de los llibros y cuentos de
bisarmes instalóse un Photocall del
pequeñu Frankeinstein y la bisarma Tragaldabas. Onde
“Tragaldabas”, la bisarma que se zampa los mieos, pidía a los
neños y neñes que tuvieren un mieu, que lo dibuxaren y dar, pa
come-y lo hasta que sumiera. Ente tolos mieos presentaos sorteáronse
unos llibros que van ser apurríos nel actu del 23 d'abril.