Los díes 28, 29 de xunu y 1 de xunetu el parque
de Les Conserveres de Candás va acoyer la decimoséptima
edición del Mercao Clariniano.
A partir esti Vienres, 20 d'Abril hasta'l Miércoles, 30 de Mayu
ambos inclusive – podrán presentase les solicitúes pa
participar énte'l rexistru municipal.
Un eventu que representa cada añu xuna escena xenuina del
sieglu XIX, dómina na que l'insigne escritor D. Leopoldo Alas
“Clarín” pasiaba poles cais de Candás, que sirvieron
d'inspiración a delles de les sos obres.
Los puestos ufierten productos artesanales típicos y quien nos
visiten van poder esfrutar de talleres en vivu de cerámica, pintura,
teles, cueru, encaxe de boliyos, etc... Amás de los numberosos
stands nos que puede comese o beber , va haver una barra
especialmente preparada pa comer productos típicos de la zona y
la dómina a precios populares.
La cita nesti eventu comercial-turísticu ta empobinada
principalmente a artesanos y artesanes, según vecinos y
vecines del conceyu de Carreño, y/o entidaes culturales qu'ellaboren
productos de manera artesanal o que desenvuelvan actividaes
tradicionales dientro de los siguientes sectores:
Oficios Tradicionales: Alfareru/a, madreñeru/a,.....
Gastronomía
Artesanía y xoyería.
Pintura
Sector pesqueru (redes, nases, maquetes de barcos...)
Preseos de llabranza
Enseres mesmu del sieglu XIX
Otros.
Les infraestructures municipales que van poder solicitase van
ser 45 puestos artesanales y un chigre.
La tasa municipal que van tener qu'abonar va ser de 16
euros nel casu de los puestos móviles como'l de xeladería,
ablanera o barquilleru, y 21 euros per puestu con stand de
madera. El Conceyu nun va devolver les cuotes abonaes en conceutu de
reserva de puestu si l'artesanu/a nun s'asitia nel mercao.
Faese cargu del chigre va suponer una tasa municipal
de 100 euros. Van Tener preferencia les solicitúes feches
por asociaciones ensin ánimu d'arriquecimientu. La participación
nel Mercao Clariniano rique amás la vestimienta apropiada del sieglu
XIX o bien el traxe de candasina, el tradicional asturianu o de
sardinera, per parte de les persones qu'atiendan la barra. Aconséyase
caracterización acorde cola dómina del mercao.
Plazu pa presentar solicitúes:
Les solicitúes pa participar con puestos móviles, stands
y/o barraca van poder presentase por rexistru nel Conceyu
de Carreño, a partir del día 20 d'Abril hasta'l
próximu 30 de Mayu.
Nun se van almitir solicitúes presentaes fora del plazu
establecíu na Comisión Informativa de Festexos y Turismu.
Albandi
