Como tolos años, l'Asociación de
muyeres rurales Nosotr@s, que preside Josefina Vega, impulsó un
alcuentru sociocultural na contorna del últimu pueblu exemplar
d'Asturies.
A primer hora de la mañana d'esti
vienres partieron del Teatru Prendes de Candás percorriendo la zona
rural pa recoyer a les socies, acompañaes de l'Alcaldesa, Amelia
Fernández.
La primer parada foi pa visitar Sidra
El Gaiteru onde realizaron un visita empuesta poles instalaciones de
la sociedá Valle, Ballina y Fernández S.A. Darréu
desplazáronse al últimu Pueblu Exemplar, Poreñu, localidá onde
intercambiaron bones práctiques nel mediu rural cola asociación
vecinal “La Capilla” de Poreñu.
Tres una comida n'Amandi visitaron una
empresa familiar con una llarga tradición ganadera, “Los
Caserinos”, que se dedica a curiar vaques y cabres pa llograr,
acaldía, la lleche cola que puramente ellaboren, por aciu un procesu
artesanal, una bona gama de productos con calidá única. La última
hora de la tarde foi dedicada a visitar una esposición y les
actividaes de la Confrería Maliaya.
Albandi
