Una trentena de neños y neñes de la
zona rural participaron nes sos actividaes. El programa d'ociu
infantil pa neños y neñes de la zona rural “Ludomóvil Carreño”,
llega al so fin anguaño. L'actividá entamada al traviés de la
Oficina d'Información xuvenil de la Mancomunidá del Cabu Peñes y
financiada dende la conceyalía de Mocedá del Conceyu de Carreño
empezó'l 23 d'Ochobre del pasáu añu.
Llorgozana, Albandi, Xivares y
Quimarán–El Valle fueron los llugares onde se desenvolvieron les
actividaes, con un total de 28 participantes nes trés parroquies
carreñenses.
El pasáu miércoles 16 de mayu
remataben les actividaes na Escuela Rural de Llorgozana cola entrega
de diplomes a participantes per parte de la conceyala d'área de
Mocedá Paula Cuervo. A lo llargo de la selmana que vien va dir
concluyendo nes distintes parroquies con una fiesta final y les
respectives entregues de diplomes. En concretu los díes van ser:
–Albandi (Centru d'Iniciativa Rural),
Llunes 28 de Mayu de 17 a 18:30 hores
–Xibares (Local Social de la
urbanización), Llunes 28 de Mayu de 18 a 19:30 hores
–Quimarán-El Valle (Escuela Rural),
Miércoles 30 de Mayu de 12:15 a 13:45 hores
“Les actividaes desenvueltes
teníen como oxetivos la participación infantil, la educación
ambiental y n'igualdá, la llectura, los idiomes y actividaes que
fomenten el billingüismu según la conocencia y respetu al
patrimoniu natural y cultural carreñense y asturianu” -
esplicó la conceyala.
Les actividaes desenvolviáronse en 19
bloques:
ESFRUTANDO DE LA SERONDA .
HALLOWEN
CONSTRÚI EL TO PUZZLE
AMAGUESTU
DERECHOS DEL NEÑU Y LA NEÑA .
LONDON HERE WE GO
CALENDARIU ADVIENTU .
PASTELES QUE DEXEN BUELGA .
NAVIDAES RUIDOSES
FAEMOS AMISTAES
SOMOS XENTE PACÍFICA .
ANTROXU .
LES TRÉS ERRES: RECICLAR, REDUCIR Y
REUTILIZAR
COCINITAS DE PRIMAVERA .
FIESTA PRIMAVERAL
HOLA DE NUEVU .
DEPORTE .
AFAYANDO A KIKA
DE FOLIXA EN FOLIXA
“Les actividaes realizaes en cada
bloque consistíen en talleres, dinámiques, gymkanes, fiestes,
salíes pola redolada y xuegos empobinaos” - esplicó la
conceyala.
El programa foi impartíu nel so primer
trimestre (ochobre – avientu de 2017) pola empresa Trastadas &
Más, y dende Xineru de 2018 hasta la so finalización esti mes de
Mayu pola Asociación Cultural Súbete. Los espacios pa llevar a cabu
l'actividá fueron: les escueles rurales de Quimarán-El Valle y
Llorgozana, el local social de la urbanización de Xivares y el
Centru d'Iniciativa rural d'Albandi.
“Estimar, dende l'equipu de
gobiernu, la implicación otru añu más de les escueles y les
asociaciones vecinales lo mesmo que de les families por que'l
programa siga llevándose a cabu añu tres d'añu” – concluyó
la conceyala.
El próximu programa “Ludomóvil
Rural” va dar empiezu, tres el periodu branizu, el próximu 22
d'Ochobre de 2018.