El gobiernu socialista y los sindicatos recuperen la xornada de 35 hores pal personal municipal

Mientres la última sesión de la mesa de negociación celebrada esta mañana'l gobiernu local de Carreño treslladó a la representación del colectivu de trabayadores municipales la propuesta de flexibilización de la xornada llaboral que recupera la xornada de 35 hores selmanales pal conxuntu d'emplegaos y emplegaes municipales. Al términu d'esta xunta, el voceru socialista, Gabriel Rodríguez comunicó los términos del alcuerdu alcanzáu en relación a la xornada llaboral de 35 hores selmanales, tal que asocedía primeramente a setiembre de 2012.

Esta recuperación de derechos, que demuestra'l compromisu del Partíu Socialista col empléu públicu, va ser efectiva dende'l próximu día 1 de xunu y va afectar a tola plantiya municipal, incluyíos los patronatos”, esplicó'l voceru socialista.

Esti cambéu de la xornada de trabayu nun va incidir na prestación de los servicios públicos y va caltenese l'atención a la ciudadanía n'horariu de mañana y tarde”, añedió Gabriel Rodríguez.

Coles mesmes tresllademos la propuesta de modificar l'aplicación del complementu a la prestación económica en situación d'incapacidá temporal siguiendo'l criteriu d'el Tercer cambéu del Resolvimientu de 10 de mayu de 2013, de la Conseyería de Facienda y sector Públicu, pola que s'aprueben les Instrucciones pa l'aplicación del complementu a la prestación económica en situación d'incapacidá temporal de los emplegaos públicos de l'Alministración del Principáu d'Asturies y de los sos organismos y entes Públicos”, concluyó'l conceyal responsable d'área.

La recuperación de la xornada de 35 hores enmáecase nes posibilidaes qu'ufierta l'Alcuerdu Gobierno-Sindicatos pa la meyora del empléu públicu y les condiciones de trabayu, publicáu nel BOE de 26 de marzu de 2018.