El pasáu sábadu, 12 de mayu,
celebróse'l Día Internacional de les Enfermedaes de Sensibilización
Central (Fibromialgia, síndrome de fatiga crónica/EM,
sensibilización química mútilple). Un día nel que
s'intenta visibilizar y sensibilizar a la población cola
problemática de les persones que carecen esta enfermedá y de
los familiares que s'atopen al so llau.
El Conceyu de Carreño nel marcu d'esta
celebración quixo sumase, a esti día, amosando'l so sofitu a esti
colectivu cola proyección de la película documental UNREST, al
traviés del pidimientu realizáu por una vecina del Conceyu.
A la presentación de la proyección,
que va ser estrenu absolutu n'Asturies, tuvo llugar na mañana de
d'esti miércoles 16 de mayu nel Salón de Plenos, asistieron la
promotora de la iniciativa Inma Serrano vecina de Candás; Blanca
Blanco Álvarez en representación de Asessca (Asociación d'enfermos
de síndrome de sensibilización central d'Asturies) y
Cecilia Tascón, Conceyala de Cultura y Bienestar Social.
“Unrest” ye un documental empobináu
y producíu por Jennifer Brea. El filme trata la hestoria de como
Jennifer y el so home, col que s'acaba de casar, enfrenten una dura
enfermedá qu'impacta nella xusto antes de casase.
“Ye una película social y de
concienciación, una hestoria real, la hestoria de millones de
persones enfermes, dalgunes de les cuales son vecinos o vecines del
nuesu conceyu, que nos rellata la vida, en primer persona de la so
directora. Y la so convivencia cola dura realidá del Síndrome de
Fatiga Crónica. Una enfermedá na que los recursos pa la so
investigación son escasos y nos que los pacientes tienen que
treslladase a otres provincies como Barcelona o Madrid, asumiendo los
costos, pa poder ser trataos por especialistes”– comentó
Cecilia Tascón-Conceyala de Cultura-.
“Con iniciatives como esta
pretendemos visibilizar y dar a conocer la problemática d'esti
colectivu. A la proyección del filme va tener llugar la celebración
de una charra-coloquiu cola participación de Asseca lo
mesmo que de profesionales de la medicina. Amás vamos sumanos a
la campaña “Millones d'Ausentes” cola realización de l'actividá
na que les persones participantes dexen nes places pares de zapatos
con mensaxes realizaos polos enfermos y enfermes” señaló
Tascón.
Ente los premios que recibió'l
documental ta'l Premiu al Meyor Guión nel festival de Cine
Independiente de Sundace y foi una de les 15 finalistes nos
Premios Oscar a la Meyor Película Documental.
El filme va ser proyectáu nel mes
de setiembre nel Teatru Prendes de Candás. Al igual que la
Conferencia y les actividaes.
Albandi
