Na mañana d'esti 13 de mayu,
l'Asociación Vecinal Santiago de Albandi, que preside Miguel Ángel
Fernandez, diose cita nun establecimientu de Perlora pa homenaxar a
trés de los sos mayores. Ye la tercer etapa como presidente de
Miguel Fernández de la entidá vecinal.
Primeramente na parroquia de “Santiago
d'Albandi” a les 13 h. alcordanza emocionada a los mayores finaos
de la zona. Amenizó la celebración el Coru Parroquial de Perlora.
Nesta edición los homenaxaos fueron
trés varones:
- Nemesio Rascón, 84 años del barriu
Monte Morís de casa La Llosuca.
- Manuel Jaime Cuervo Prendes,
popularmente conocíu como “Lolo Pesgana” de 85 años.Foi vecín
del barriu de Pesgana n'Albandi. Na actualidá, mora en San Jorge
d'Eres nel conceyu vecín.
- Alfredo Rodríguez Prendes, de 84
años,de casa “Florento Asturias” nome que fai honor al so
difuntu suegru. Vecín del barriu Monte Morréis n'Albandi.
Casáu con María Dolores González , que foi directiva de la entidá
vecinal y agora bien collaboradora de la mesma.
A los trés, la directiva vecinal
acompañada de l'Alcaldesa y el conceyal Simi Velasco
apurriéron-yos plaques conmemoratives. A Nemesio apurrió-y la
mesma'l presidente vecinal. Agustín Rodríguez, vicepresidente de la
entidá foi l'encargáu de da-y la a Lolo Pesgana y Amelia Fernández
apurrio-y la a Alfredo.
Tres la comida tuvo llugar un sortéu
de regalos ente los asistentes, donaos por cases collaboradores.